sahur pakai hin talu

Bulik tumatan masigit Ongol, Anang Gabau, Haji Untat wan Haji Walet taimbai bulik karumah masing-masing. Sambil jalan menuju rumah buhanya ni sambil bakesah gasan persiapan malam ini maklum ja besok sudah puasa nisfu.
“Ngol puasa kalo ikam besok Ngol,” ujar Haji Untat. “Iih ji ae, bisa lah kada supan ae dengan warga kampung Liur ni, kebetulan malam ini ulun sahur dengan Anang di rumah ulun. Tadi sudah nukar iwak masak ja dengan Acil Jablay jadi tinggal masak nasinya ja ulun lagi,” sahut Ongol.
Mendangar itu Anang ni takarinyum ja. “Tumben Ngol ae kam puasa, maka pang rajin ikam kalo bulan puasa daras maroko haja, buru-buru puasa nisfu segala” ujar Haji Walet.
“Ah orang pian ini ji, itukan puasa tahun dulu wayah ini kada lagiam, dulu kada puasa oleh bangun kasiangan tarus, tadi sudah nukar ayam goreng, wan gangan balamak dengan acil Jablay jadi tinggal di panasi ja malam ini,” ujar Ongol.
“Nasi pang kaya apa Ngol sudah ikam masak lah,” ujar Anang. Sambil macungkan jempolnya Ongol menjawab,”sip Nang sudaham, maka ikam lihat ja tadi sudah ku jek ke listik, kita masak nasi wayah ini praktis ada mejikom tinggal colok ke listrik ja langsung jadi,” sahut Ongol.
“Mantab tu Ngol, yu Ngol, Nang lah kita bulik ke rumah masing-masing, subuh kenaam habis sahur kita badapat di masigit sambahyang subuh lah,” ujar Haji Untat.,” inggih ji,” sahut Ongol dengan Anang ba imbai.
Ongol, Anang Gabau, Haji Untat wan Haji Walet ni bulik barataan am ke rumahnya. Sampai di rumah Ongol dengan Anang langsung maambil salimut handak guringan am kada handak bagadang kaya rajin kalau sahur bangun kesiangan.
Handap kesah, kada kerasa jam ni sudah masuk jam tiga subuh am, melihat jam Anang yang tabangun duluan langsung ke kamar mandi bakumur wan mambasuh mukanya padang batapih-tapih. Sedangkan Ongol ni masih hayal guring.
Pas handak mambanguni Ongol, kenapa kah Anang ni mambuka iwak pakai orangnya sahur tu badulu,”wah mantab ni sahur malam ini pasti banyak makan aku kaya ini iwaknya ja nyaman-nyaman,” jar Anang.
Habis itu Anang mambuka mejikom, langsung takajut melihat Nasi kada sing masak,” astagfirullah, bongol jua Ongol nie, apa mamasak kada diketeknya ni kayapa nasi handak masak,” jar Anang.
Sambil melihat jam Anang ni gelisah,”kaya ini rupanya kalau harus memasak nasi kada katungguan timbul imsak,” jar Anang. Langsung menuju iwak makan, mamakan ayam dengan gangan balamak tu ja.”Daripada kada sahur kaya ini baik aku dulu mamakan iwaknya ni, kena kalo dengan Ongol banyak pakai inya ja,” garunum Anang.
Habis mamakan iwak tu Anang langsung guring lagi,” aku pura-pura guring ja dulu pas sudah azan subuh kena am bangun, masalah Ongol belum sahur gamahnya inya juwa mamasak nasi kada sing masak-masak,” jarnya.
Pas babunyi sound di masigit orang sudah handak imsak Ongol hanyar ja tabangun,” bah ae, kesiangan rupanya aku ni, tinggal lima menit ja lagi imsak,” jar Ongol sambil mengoyang-goyang Anang membanguninya.
“Nang..Nang ayo bangun kita sahur, ikam ni ngalih banar bangunya,” jar Ongol. Marasa Anang kada handak bangung langsung ae Ongol ne membuka mejikom melihat nasi masih beras ja kada sing masak.
“Nah iyaam kada ingat ku ketek malam tadi tombolnya ni, seharusnya di ketek,” ujar Ongol sambil menuju wadah Ayam Goreng dengan sayur balamak tadi padang gelisahnya handak mamakan iwaknya ja.
Tambah takajut lagi Ongol ni melihat iwaknya sudah habis, melihat Anang pina nyenyak lalu guringanya. Apa ada nasi kada masak, iwah sudah di makan Anang sorangan paksa ae Ongol ni ma ambil gelas basahur pakai banyu putih ja sambil manyumpah-nyumpah,”pantasan Anang dibanguni kada bangun-bangun iwak inya sorangan mahabisnya,” ujar Ongol bamam

Sumber Berita: http://www.radarsampit.net/berita-sahur-pakai-banyu-putih.html#ixzz3ICUuALda