sama sama selingkuh

DI KAMPUNG Liur Ongol ni terkenal orang baduit, bahkan di kampung itu juwa hanya Ongol ni ja bisi rumah mewah, mobil segala macam bahkan pembantu Ongol, Galuh Kalabit memang terkenal babinian paling bengkeng yang khusus memang di ambil Ongol gasan mengurus dapur. Kada jarang gara-gara Ongol rajin melihat pembantunya yang awaknya pina putih seksi tu inya rajin takalahi wan bininya.
Waktu itu bini Ongol ni tulak arisan ibu-ibu di ujung Kampung Liur wadah Acil Jablay. “Bah ulun handak tulak dulu lah, handak arisan. Awas pian macam-macam di rumah dengan pembantulah,” ujar bini Ongol nie mengingatkan sambil pamitan.
“Iya sayang, kada pan. Hati ni cuma gasan istri ku ja,” ujar Ongol merayu bininya sambil mencolek dagu si bini. Sambil bajalan menuju mobil, Anang Gabau sopir yang khusus ngantar Ongol dengan keluarganya ke mana-mana ni sudah siap am menunggu, kada lawas bini masuk kedalam mobil langsung tulak meninggali rumah.
“Ingat Nang, hati-hati membawa bini ku lah,” jar Ongol. “Oke bos,” ujar Anang menyahut.
“Yes, yes…,” ujar Ongol pina senang banar. Kada lawas bininya tulak Ongol ni langsung mendatangi pembantunya tu yang asyik bamasak sambil sambil bajoget-joget mendangar lagu dangdut, Ongol yang sudah kada sabar ni langsung ja menarik pembantunya menuju kamar. Nah di situ Ongol ni selingkuh dengan Galuh Kalabit tu.
Kada sadar saking asyiknya di dalam kamar, datang ae anak Ongol yang bulik sekolah ni langsung masuk ke dalam rumah, takajut melihat abahnya asyik banaran batindihan dengan pembantunya tu.
Melihat itu Ongol ni langsung baloncat dari atas ranjang mendatangi anaknya yang masih SD tu membujuknya supaya kada mengesahkan kelakuanya dengan pembantunya tu wan bininya. “Nah lima puluh ribu pakai ikam, jangan bakesah dengan mama lah sayang,” jar Ongol. Melihat dibari lima puluh ribu anak Ongol ni ma iih akan langsung ja, pas datang mamanya kada disekahkanya kelakuan abahnya yang selingkuh tu.
Pas esoknya lagi bini kadida di rumah Ongol ni selingkuh lagi dengn pembantunya tu, lagi-lagi anaknya ni melihatnya lagi. Biar anak ni kada bakesah dengan mamanya Ongol membari duit lagi gasan duit tutup mulutnya kaya biasa.
Pas hari ketiga waktu bini diantar ke pasar oleh Anang Gabau, pakai mobil pribadi orangnya, Ongol ni selingkuh lagi dengan pembantu tu. Saking asyiknya lagi Ongol ni kada merasa kalau kelakuanya tu dilihat anaknya lagi. Gasan tutup mulut lagi Ongol membari anaknya duit lagi kaya biasa lima puluh ribu.
“Abah ni tiga hari ni sudah ketahuan ulun membari baya lima puluh ribu tarus,” ujar anaknya sambil menggaru kepalanya.
“Bah pang, memangnya anak abah handak minta berapa,” ujar Ongol merayu anaknya.
“Sama akan abah kaya mama, duit tutup mulutnya dengan mama seratus ribu rajin pas sidin main dengan Anang sopir kita, masa pian cuma lima puluh ribu ja” ujar Anak Ongol.
Mandangar itu Ongol langsung naik darah ae bakaciak. “Anaaaaaaaaangggg, kurang ajar ikam ni, parang mana parang,” jar Ongol habang muhanya keluar rumah mencari Anang

Sumber Berita: http://www.radarsampit.net/berita-samasama-selingkuh.html#ixzz3IZw4HX3e